William H. Velander, Henryk Lubon e William N. Drohan
Ao ano de
nacer Genie, a nosa porquiña experimental, criaba xa a sete fermosos bacoriños,
subministrándolle co seu leite os moitos nutrintes que necesitan para vivir e
engordar. A diferencia doutras cochas, o leite de Genie contén tamén unha
substancia que algunhas persoas gravemente enfermas requiren con apremo: a
proteína C humana. Tradicionalmente, esas proteínas sanguíneas obtivéronse
mediante métodos que implican o procesamento de grandes cantidades de sangue
humana procedente de doazóns ou o cultivo de inxentes cantidades de células en
enormes biorreactores de aceiro inoxidable. Pero Genie produce proteína en
abundancia e sen necesidade de axuda. É a primeira porca do mundo que fabrica
unha proteína humana no seu leite.
Geni
coroa un proxecto de investigación concibido dez anos atrás. En colaboración
con especialistas na obtención destas proteínas do sangue, adscritos á Cruz
Vermella Americana, consideramos a posibilidade de cambiar a composición do
leite dun animal para incluír macromoléculas de perentoria necesidade. En
teoría, unha aproximación deste tipo podería xerar a cantidade que se precisara
de calquera das proteínas do sangue utilizadas con fins terapéuticos, produción
que acostuma ficar moi curta.
A
demanda deste tipo de medicamentos é ampla e diversa. Pensemos nos hemofílicos,
necesitados de axentes coagulantes, en especial de Factor VIII e Factor IX,
dúas proteínas sanguíneas. Certas persoas cunha deficiencia conxénita precisan
proteína C extra (que controla a coagulación) para suplementar as súas escasas
reservas; tamén poden beneficiarse delas os doentes que sufriron certas
intervencións cirúrxicas de substitución. Outro exemplo da importancia das
proteínas do sangue con fins terapéuticos atopámolo nas persoas que sofren
cardiopatías ou accidentes cerebrovasculares.
(Investigación y Ciencia, Marzo, 1997)
No hay comentarios:
Publicar un comentario